प्रवेशद्वारासमोरील काम दोन दिवसांत सुरू* *करण्याची ग्वाही* *भाजपा शहराध्यक्ष तथा आमदार महेश लांडगे,यांची बैठक
संवाददाता,सौ.पार्वती ढोणे, महाराष्ट्र राज्य प्रभारी.
दिनांक,६-७-२०२१.
चिखली येथील क्रिस्टर सिटी आणि शेफियर सोसायटीतील रहिवशांच्या समस्या सोडवण्यासाठी संबंधित बांधकाम व्यावसायिक प्रतिनिधींना भाजपा शहराध्यक्ष तथा आमदार महेश लांडगे यांनी चांगलाच ‘दणका’ दिला. त्यामुळे अखेर दोन दिवसांत क्रिस्टल सोसायटीच्या प्रवेशद्वारासमोरील रस्त्याचे काम सुरू करण्याची ग्वाही संबंधित ठेकेदारांनी दिली आहे. देहु- आळंदी रोडवर लक्ष्मी चौकात येणाऱ्या रस्त्यावर क्रिस्टल सिटी आणि शेफियर कॉऑपरेटिव्ह हाउसिंग सोसायटी आहे. या दोन्ही सोसायटीच्या विविध समस्यांबाबत रहिवशांनी आमदार महेश लांडगे यांच्याकडे गाऱ्हाणे मांडले होते. याबाबत सोसायटी प्रतिनिधी, बिल्डर प्रतिनिधी आणि महापालिका संबंधित विभागाचे अधिकारी यांची बैठक शुक्रवारी घेण्यात आली.
यावेळी भाजपा शहराध्यक्ष तथा आमदार महेश लांडगे, माजी महापौर राहुल जाधव, सोसायटीचे चेअरमन शार्दुल सावंत, कार्यकारी अभियंता राणे, सोसायटी फेडरेशनचे अध्यक्ष संजीवन सांगळे, एमएससीबीचे रमेश सुळ, रवी जांभुळकर, सोनम जांभुळकर आदी उपस्थित होते. २०१७ पासून या सोसायटीमध्ये राहत आहेत. सुमारे ४०० कुटुंब याठिकाणी आहेत. सोसायटीच्या समस्यांसाठी महापालिका अधिकारी यांच्याकडे अनेकदा पाठपुरावा केला. मात्र, दुर्लक्ष होत असल्याचे तक्रार सोसायटीतील प्रतिनिधींनी केली.
