लेफ्टनंट जनरल डॉ. माधुरी कानिटकर यांची आरोग्य विज्ञान विद्यापीठाच्या कुलगुरूपदी नियुक्ती
संवाददाता,पार्वती ढोणे, महाराष्ट्र राज्य प्रभारी.
दिनांक, ८-७-२०२१.
लेफ्टनंट जनरल डॉ. माधुरी राजीव कानिटकर यांची नाशिक येथील आरोग्य विज्ञान विद्यापीठाच्या कुलगुरूपदी नियुक्ती करण्यात आली आहे. राज्यपाल तथा विद्यापीठाचे कुलपती भगतसिंह कोश्यारी यांनी मंगळवारी (6 जुलै) लेफ्टनंट जनरल डॉ. माधुरी कानिटकर, यांची कुलगुरुपदावर नियुक्ती जाहीर केली. लेफ्टनंट जनरल डॉ. माधुरी कानिटकर या सध्या एकात्मिक संरक्षण विभागाच्या उपप्रमुख (DCDIS) (Medical) म्हणून नवी दिल्ली येथे कार्यरत आहेत.
कोण आहेत माधुरी कानिटकर
लेफ्टनंट जनरल डॉ. माधुरी कानिटकर यांचा जन्म १५.ऑक्टोबर १९६०.रोजी झाला. त्यांनी सशस्त्र सेना वैद्यकीय महाविद्यालय पुणे येथून प्रथम क्रमांकाने एमबीबीएस पदवी प्राप्त केली. यानंतर त्यांनी बालरोगशास्त्र या विषयात एमडी पदवी प्राप्त केली. त्यांनी २०१७.ते २०१९.या काळात सशस्त्र सेना वैद्यकीय महाविद्यालयाच्या अधिष्ठाता म्हणून काम केले. त्यांना अध्यापन व संशोधनाचा एकूण २२.वर्षांचा अनुभव आहे. आरोग्य विज्ञान विद्यापीठातर्फे २००८.साली त्यांना सर्वोत्तम शिक्षक म्हणून सन्मानित करण्यात आले.
